- रिदुम् खिम् - September 22, 2025
- स्तुति भजनः पारु र निनाम् रिदुम् - September 4, 2025
- कुलुछाआ मःम् कोयो - August 8, 2025
डिल्ली तोमोछा, खाँदवारी ७, सङ्खुवासभा
अङ्क बोहोपि फप् पाआ रिङ् लो रिदुम्मि चालेइ छाःसु,
आन् सोकोवार् हापिका तानाइ ओखि रिङ् रिदुम् माःसु ।
निनाम् रिदुम् पारुआ सुम्नि दुपु वातिका ना छुम्पा रोदु,
निनाम्मा, बोहो, हुक्, काउ खेना सोम् लोक छाप् तोदु ।
खुवोलुङ्, यालाखम्, पोम्लालुङ्, चोमोलुङ्, तुस्कोमि रोदु चार्,
आना हत्चते, केइका थःम्चायाम्का ओखिमि रोदु चार् ।
खोलोः छेइन्चिस्को निङ् मियाम् ना रोदुचिम् साइ पो मियाम्,
रोचोवाचिम् लोफेमाआ मा चुनुम् छेम्पि सिक्दित्चि एसे ।
बोलो पक्निते मुर्चिकाम् ना केइया सो गो मियाम्,
इ रिङ् सो मास्चि, रिदुम् सो मास्चि तुस्को चार् निङ् सो युक्स्चि योउ,
सुन्मापुका छुवाथोङ्क इ तुस्कोमि निङ् मास्चयचि बोलो पक्निव ।
कोकोबोउ लनिते, छेलाम्पा लत्तानिते, इ निङ् माम् यात्चि,
इ बोहो, थाम्पु, मुलिवा सोङ् दखर्पा खात्चाइ बोलोसे रापाम् ।
बोहो थाम्पुपि थम्पुर् मम्चिम्पा क केइ,
दुप् हइ मिचयचि केइया बोलु थम्चायाम् ।
रोदु चार्मि निङ्पि हि पिम् बोक्स् दोसो बोक्से,
अङ्क थाम्पु चार्मि केइ थाम्पु तोप् चार् छा लुक्स् मःम् मिने ।
अङ्क बोहोपि फप् पाआ रिङ् लो रिदुम्मि चालेइ छाःसु,
आन् सोकोवार् हापिका तानाइ ओखि रिङ् रिदुम् माःसु ।
कुलु नेइम् – रेक् कोङ्