- रिदुम् खिम् - September 22, 2025
- स्तुति भजनः पारु र निनाम् रिदुम् - September 4, 2025
- कुलुछाआ मःम् कोयो - August 8, 2025
नन्द किशोर पिदिसइ, सिलीचोङ ३, लकुवा, सङ्खुवासभा
सुम्नि दु याम्ना दु पारुहोङ सेक दु, पुनिङ् तुवा इक् सेनाम् ।
रोदुछा खम्बुहाङ कुलुछा केइ ङा के, इ गोङ् मान् इमो येनाम् ।।
सोबोमारु लो रिङ् ना तङे ङालि निङ्, तङ्कन् गेसेः कङ्खि से ।
रिङ् लेसाम्नो वानाम् मिस्मि ङास्मि तेल्, खातेः लो सेमोङ् इसे ।।
महाकुलुङला थोङि छेचिलुप्तो वोङि, केन्पा सोइ वियुम् थे नान् ।
कुलुछा छुवि हो दातोङ्नाइ युवि सो, रिदुम्छान् कियुम् थे नान् ।।
सिक्दिङ् खुङ्वा बेतेनि दोङ्रिला, साप्तेल् याचाम्खा वायेङ् ।
दुधेटार लकुवा सिभा चाप्कुदो, माङ्तेवा याफु छोयेङ् ।।
हिङ्गुवा छिङ्खा लेक्वा जोङले टोल, पाउखाम् छुदाक् ताम्लोहो ।
रियाम्मा तेन्छो होयेङ्ला बेसिन्दा, लत्तोकपिङ् छाम् लोःहो ।।
कोम् तेल् कङ्थुला लाम्मुवा बिसुखु, पेलोङ्माला बालापि ।
रिदुम् छा लयेःचि इ होप् छा पयेःचि, आसाओ से हालापि ।।
हाक हाला थोङि दाम्रो हर्पा वोङि, आन्चिस्को छेलाम् बेति ।
आन् इ फप् पा दुमोक मोगोङ्खि छुवाना, वानाम् मिचा सो छेति ।।
था बिचि योवामाप् थुनाम् गो तुप्सिमा, उसाइ देत्चि सोगोपि ।
कुलु रिङ् कुबिवा दुङ् छेइप् तोङ् छुवो के, सोबोमारुम् बोउगोपि ।।
दाम्रोमि बोउगोपि गोक्तुलु सोगोपि, छेलाम् सो दानाइ तने ।
दुप् खास्को थाम्पुपि खारुवा छुनो के, दा ओ मयेःचि हने ।।
खारुवा मस्कोङ्खि जा नखा थाम्पुने, वानाम् मिचाङ् चाइचय ।
मयाम्क खारुवा छिर्मारिम् नरुवा, सोउ वेसोआङ् थाइचय ।।
कुलु नेइम्, रेक् कोङ्